राज्यात लखपती दीदी योजना अंतर्गत 25 लाख महिलांना लाभ देण्याचे सरकारचे उद्दिष्ट्ये .

by
Spread the love

E-marathipepar प्रणिता पवार प्रतिनिधी [ lakhapati didi yojana ] : दिनांक 25 ऑगस्ट 2024 रोजी राज्यात लखपती दीदी संमेलन त्याचबरोबर समुदाय संसाधन व्यक्तींचा सन्माान सोहळा आयोजित करण्यात आलेला असून , या दिवशी देशाचे पंतप्रधान मा.श्री.नरेंद्र मोदी यांच्या हस्ते संपुर्ण देशभरातील स्वयंसहाय्यता गटांकरीता 2500/- कोटी रुपयांचा निधी दिला जाणार आहे , तसेच 5000/- कोटी रुपयंचे बँक अर्थसहाय्य वितरणाचा मोठा कार्यक्रम संपन्न होणार आहे .

सदरचा कार्यक्रम हा राज्य शासनांच्या ग्रामीण जीवन्नोनती अभियान अंतर्गत संपन्न होणार आहे , सदर कार्यक्रम अंतर्गत महिलांना आर्थिकदृष्ट्या आत्मनिर्भर बनविणे , आर्थिक सक्षमीकरण करणे , महिलांना स्वत : ची ओळख निर्माण करुन देणे , तसेच त्यांना एक हक्काचे व्यासपीठ निर्माण करुन देणे , अशा प्रमुख उद्दिष्टांसाठी सदर कार्यक्रम आयोजित करण्यात आले आहेत .

यांमध्ये महिलांना ग्रामीण पातळीपासुन व्यवसायाच्या संधी उपलब्ध करुन देण्याचे उद्देश आहे , तसेच महिलांना बँकेचे व्यवहार , कृषीविषयक माहिती , करीता बँक सखी व कृषी सखी तसेच प्रशिक्षित समुदाय संसाधन व्यक्तींची नेमणुक करण्यात आलेली आहे .

सदर योजना अंतर्गत महिलांना व्यवसाय करण्यासाठी अत्यल्प व्याजदरांमध्ये कर्ज उपलब्ध करुन देण्यात येते , सन 2023-24 या आर्थिक वर्षामध्ये तब्बल 8,974 कोटी रुपयांचे कर्जाचे वितरण करण्यात आलेले आहेत . हे कर्ज आत्तापर्यंतचे सर्वात मोठे कर्ज आहेत . सदर योजना अंतर्गत आत्तापर्यंत 6,40,000 महिला स्वयं सहाय्यता समुह स्थापन झाले आहेत .

हे पण वाचा : पॉवर ग्रिड कॉर्पोरेशन ऑफ इंडिया मध्ये विविध पदांच्या तब्बल 1027 जागेसाठी महाभरती , लगेच करा आवेदन ..

यांमध्ये आत्तापर्यंत 410 पेक्षा अधिक शेतकरी उत्पादक कंपन्या , 10,083 उत्पादक गट तर 31,812 ग्रामसंघ व 1,875 प्रभाग संघ तयार झालेले आहेत , सदर उमेद अभियाना अंतर्गत महिलांना रोजगार प्राप्त झाला आहे , तसेच प्रत्येक जिल्ह्यांमध्ये प्रशिक्षण केंद्राच्या माध्यमातुन महिलांना प्रशिक्षण देण्यात येते , सदर योजनांचा लाभ घेवून आत्तापर्यंत राज्यातील 13 लाख पेक्षा अधिक महिला ह्या लखपती दीदी बनल्या आहेत .

या अभियान अंतर्गत महिलांकडून पापड , लोणचे , मसाले अशा प्रकारचे खाद्य पदार्थ तसेच कपडे , हस्तकला , मातीची भांडी , शिल्पकलेच्या वस्तु अशा प्रकारचे वस्तु तयार करीत आहेत , सदर उत्पादक वस्तुंना राज्य शासनांकडून आंतरराष्ट्रीय बाजारपेठा उपलब्ध करुन दिले जाते . सदर योजना अंतर्गत सध्याच्या घडीला ग्रामीण भागांमध्ये महिलांचे 38 लाखांपेक्षा अधिक उद्योग सुरु आहेत .

योजनांचा लाभ घेण्यासाठी आपल्या अंगणवाडी सेविका / तलाठी / ग्रामसेवक / उमेद कार्यालयांसाठी भेट द्या ..

Leave a Comment